Բացել լրահոսը Փակել լրահոսը
52506_b
A A
Հասարակություն

Հրդեհ Երևանի տներից մեկում․ կա տուժած

Նոյեմբերի 9-ին, ժամը 16:46-ին «911» ծառայություն ահազանգ է ստացվել, որ հրդեհ է բռնկվել Երևանի Պոպովի փողոցի տներից մեկում:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ:

Պարզվել է, որ հրդեհը բռնկվել է տան խոհանոցում:

Հրդեհը մեկուսացվել է ժամը 16:58-ին, մարվել՝ 17:01-ին: Մասամբ այրվել են խոհանոցը՝ գույքով (մոտ 15 քմ), ինչպես նաև 3 կգ-անոց գազի բալոնից արտահոսած գազը:

Տան սեփականատեր Հայկազ Մ.-ն (ծնված 1959 թ.) տարբեր աստիճանի այրվածքներով հոսպիտալացվել է Այրվածքաբանության ազգային կենտրոն, որտեղ բժիշկները տուժածի առողջական վիճակը գնահատել են միջին ծանրության: