Հայկական խումբը Սիրիայում ականազերծել է 91 հազար ք/մ տարածք (տեսանյութ)
Աջակցիր «Ա1+»-ինՍեպտեմբերի 20-27-ը Հումանիտար ականազերծման և փորձագիտական կենտրոնի տնօրեն Ռուբեն Առաքելյանը և նույն կենտրոնի հասարակայնության հետ կապերի պատասխանատու Նազելի էլբակյանը եղել են Սիրիայի Հանրապետությունում։
Այցի հիմնական նպատակն է եղել Սիրիայի տեղական իշխանությանը հանձնել հայկական խմբի կողմից ականազերծված և մաքրված Հալեպ նահանգի Ալ Հուսեյնի բնակավայրի մոտ գտնվող 91 հազար ք/մ տարածքը։
Ռուբեն Առաքելյանը լրագրողների հետ հանդիպմանը նշեց․
«Ականազերծման միջազգային ստանդարտներին համապատասխան՝ կայացավ արարողակարգ, որի ընթացքում համայնքային և տարածքային իշխանության ներկայությամբ նորից զննվում է տարածքը և որից հետո ստորագրվում է ընդունման և հանձման ակտը։ Ականազերծման տարածքները ընդունեցին Սիրիայի Հալեպի ղեկավարությունը, ինչպես նաև հայ համայնքի և ռուսական զորքերի ներկայացուցիչներ։ Հայաստանի կատարած աշխատանքը գոհունակությամբ է ընդունվել նրանց կողմից, քանի որ Հայաստանի հումանիտար առաքելությունը միակն է, որ Սիրիայում ականազերծում է անում» ։
Նազելի Էլբակյանը տեղեկացրեց, որ հայկական խումբը 112 հազար ք/մ տարածք է ականազերծել, նշված 91-ը հազար ք/մ երկու ականադաշտի է պատկանում, իսկ հիմա արդեն երրորդ ականադաշտում են աշխատանքներ իրականացվում։
«Առաքելության խմբում կա 80 անդամ։ Եթե նախկին խումբը 4 հիվանդանոցների հետ էր աշխատում, ապա արդեն երկրորդ խումբը 5 հիվանդանոցում է աշխատում և մեծ աջակցություն է իրականացվում երեխաներին»։
Նրա խոսքով՝ Սիրիայում անցկացրած 7 օրերի ընթացքում երկու անգամ հանդիպել են ՄԱԿ-ի Սիրիայում ականնների գործողությունների կենտրոնի ներկայացուցիչներին, ներկայացվել են հայկական կողմի կատարված աշխատանքները և քննարկվել հայկական խմբի կողմից իրականացվող իրազեկման դասընթացների ծավալների մեծացման հետ կապված հետագա քայլերը։
