63 կգ քաշային հունահռոմեական ոճի ըմբիշ Սլավիկ Գալստյանը Ղազախստանում ընթացող ըմբշամարտի աշխարհի առաջնությունում բրոնզե մեդալ է նվաճել: Այս մասին հայտնում է Armsport-ը:

 

Հայ ըմբիշը 7-5 հաշվով վստահ առավելության է հասել իրանցի Մեյսամ Դոլխանիի նկատմամբ: Կիսաեզրափակչում Գալստյանը պարտվել էր աշխարհի գործող չեմպիոն, հայազգի Ստեփան Մարյանյանին:

 

Գալստյանը 2։0 հաշվով հաղթում էր Ստեփանին, բայց հետո Ռուսաստանի ներկայացուցիչը հնարավորություն է ստացել պարտերում վերևից աշխատելու և գլորել է Գալստանին։ Գոտեմարտն ավարտվել է 2։3 հաշվով։ Հայ մարզիչները բողոքարկման բարձիկ են նետել, սակայն անարդյունք։

 

Գոտեմարտի վերջնական հաշիվը դարձել է 2։4։ Մինչև կիսաեզրափակիչ հասնելը Գալստյանը երկու կամային հաղթանակ էր տարել Ադրբեջանը և Ուզբեկստանը ներկայացնող ըմբիշների նկատմամբ։