Չի եղել էլեկտրաէներգիայի զրոյական վիճակ. Հայկ Բադալյան (տեսանյութ)
Աջակցիր «Ա1+»-ինՆախորդ շաբաթ տեղի ունեցած էլեկտրաէներգիայի անջատումների պատճառները պարզ կդառնան առաջիկա շաբաթվա ընթացքում: Ուսումնասիրություների արդյունքում պարզ կդառնա, թե ինչի հետևանքով են տեղի ունեցել անջատումները, և կոնկրետ որ հատվածում է եղել վթարը:
ՀՀ տարածքային կառավարման և ենթակառուցվածքների նախարարության էներգետիկայի վարչության պետ Հայկ Բադալյանը, անդրադառնալով տեղի ունեցածին, ասաց, որ այդ օրերին Հայաստանում լուրեր էին տարածվել, թե էլեկտրամատակարարումը զրոյական վիճակի է հասցվել։ Վարչության պետը,սակայն, նշում է, որ Հայաստանում էլեկտրաէներգիան հնարավոր չէ հասնի զրոյական վիճակի՝ «Դա բացառվում է»:
Բադալյանը նաև բացառում է շրջանառվող վարկածների իրատեսական լինելը։ Նշում է՝ էլեկտրաէներգիայի անջատումները տեխնիկական պատճառներով են եղել.
«Չկա արտաքին գործոն, չկա հաքերային հարձակում, չկա որևէ քաղաքական միտում»,- ասում է Հայկ Բադալյանը:
Էներգետիկ հարցերով ՄԱԿ-ի ազգային փորձագետ Արա Մարջանյանը նշում է, որ պետք է մշակել էլեկտրաէներգիայի զարգացման ռազմավարական ծրագիր, բայց այդ ծրագրի իրականացման համար չպետք է նվազագույն ծախսեր նախատեսել.
«Եթե դուք խոսում եք նվազագույն ծախսերի մասին, ապա դուք պետք է մոռանաք ռազմավարություն բառը»,- ասաց Արա Մարջանյանը:
Մանրամասները՝ տեսանյութում
