Բացել լրահոսը Փակել լրահոսը
A A
Հասարակություն

Ջրի հակասական նմուշառումները` տուգանումների առիթ (տեսանյութ)

Մարգահովիտ գյուղի գլխին կախված է ջրի համար անընդհատ տուգանվելու վտանգը: Գյուղի ջուրը չի մանրէազերծվում: 2019-ին Հիվանդությունների վերահսկման և կանխարգելման ազգային կենտրոնի Լոռու մասնաճյուղի կողմից բազմակի նմուշառումները ջրում մանրէների առկայություն են պարզել և տուգանման առիթ դարձել, գրում է loritv.am-ը:

Ջուրը, ըստ Մարգահովիտի գյուղապետ Սամվել Անանյանի, նախկինում խմելու համար պիտանիության չափորոշիչներից բավական շեղում է ունեցել: Այժմ հասցվել է նվազագույնի:

Բայց և կրկանկի տուգանվել են՝ 1-ին անգամ 60.000 դրամ, 2-րդ վարչական վարույթով՝ 100.000: Անանյանը չի հերքում՝ համայնքը թերացել է իր բնակչին մաքուր ջուր մատակարարելու հարցում, տուգանումը տեղին է, թեև ֆինանսական լրացուցիչ բեռ համայնքային բյուջեի համար:Դեռ խորհրդային տարիներին Մարգահովիտի բնակիչներն իրենց ուժերով ջրագծեր են կառուցել ու բնական աղբյուրների ջուրը տուն հասցրել: Այժմ ընդամենը 2 ջրագիծ է համայնքինը,-ասում է Անանյանը, որոնցով ջուր է մատակարարվում մի շարք կառույցների:

Ավստրիական Կարմիր խաչի աջակցությամբ շուրջ 8 մլն դրամ արժողությամբ ծրագիր են իրականացնում՝ համայնքային ջրագծերն ակունքներին ավելի մոտեցնելու և այդպիսով ավելի մաքուր ջուր ունենալու նպատակով: Շինանյութն ու ջրագծերի կահավորումը ծրագրի կողմից, աշխատուժը՝ համայնքի: Անանյանի մտահոգությունը ջուրը խմելու համար պիտանիության նորմերին համապատասխանեցնելն է:Առայժմ որպես միակ տարբերակ քլորացումն են առաջարկում: 

Մանրամասն՝ սկզբնաղբյուր կայքում