Բացել լրահոսը Փակել լրահոսը
A A
Պաշտոնական

Հորդառատ անձրևից Ալավերդի քաղաքի խաչմերուկներից մեկն անանցանելի է դարձել

Հուլիսի 12-ին, ժամը 17:50-ին «911» ծառայությանը տեղեկություն է հաղորդվել, որ տեղացած հորդառատ անձրևից Լոռու մարզի Ալավերդի քաղաքի ջրահեռացման համակարգը խափանվել է, ինչից ջրալցվել է Թումանյան և Զորավար Անդրանիկ փողոցների խաչմերուկը (մոտ 180 խմ), ավտոճանապարհը դարձել է անանցանելի. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Փրկարարները հեռացրել են մոտ 150 խմ անձրևաջուր: