Ստամբուլյան կոնվենցիան կպարտադրի՞ 3-րդ սեռի ազատ ընտրելու իրավունքը (տեսանյութ)
Աջակցիր «Ա1+»-ինՍտամբուլյան կոնվենցիայի շուրջ խոսակցությունները 1 շաբաթ է` չեն դադարում:
«Լույս» տեղեկատվական-վերլուծական կենտրոնի ղեկավար Հայկ Այվազյանը պնդում է, որ կոնվենցիան վտանգներ է ներկայացնում հայկական ավանդույթների ու արժեքների դեմ:
Տեղեկությունները, թե կոնվենցիան չի անդրադառնում միասեռ ամուսնությունների ընդունման վրա, Հայկ Այվազյանը կեղծիք որակեց և մեջբերեց կոնվեցիայից մի հատված:
«Մասնակից պետությունների կողմից սույն կոնվեցիայի դրույթների կատարումը, մասնավորապես՝ զոհերի իրավունքերի պաշտպանության ուղղված միջոցները պետք է ապահովեն առանց խտրականության, այն է՝ անկախ սեռից, մաշկի գույնից, սեռական կողմնորոշումից և գենդերային ինքնությունից»:
Հարցին, թե ինչո՞ւ Հայաստանը չպիտի վավերացնի Ստամբուլյան կոնվենցիան, ի՞նչ մտավախություններ կան, Հայկ Այվազյանը պատասխանեց, որ եթե Հայաստանի Սահմանադրության և միջազգային վավերացված պայմանագրերում կան հակասություններ, ապա կիրառվում են միջազգային պայմանագրերի նորմերը:
«Վավերացումից հետո ներքին օրենսդրությունը պետք է համապատասխանեցվի կոնվենցիայի պահանջներին, այսինքն՝ խտրականության արգելք սեռական կողմնորոշման և գենդերային ինքնության հիմքով, 3-րդ սեռ ազատ ընտրելու իրավունք»,- ընդգծեց նա:
Այվազյանի խոսքով՝ Եվրամիության 3 երկիր՝ Բուլղարիան, Սլովակիան և Լատվիան հրաժարվել են վավերացնել Ստամբուլյան կոնվենցիան, որով պարտադրվում է օրենսդրորենամրագրել 3-րդ սեռը:
Մանրամասները՝ տեսանյութում:
