Ինչ կանես, արա առանց վախենալու. Քոչարյանի պաշտպան (տեսանյութ)
Աջակցիր «Ա1+»-ինՎերաքննիչ դատարանում Ռոբերտ Քոչարյանի գործը քննող դատավոր Արմեն Դանիելյանի դեմ Քոչարյանի պաշտպանական խումբը որեւէ բողոք չի ներկայացնի: Արմեն Դանիելյանը դատավոր է նշանակվել Ռոբերտ Քոչարյանի իշխանության տարիներին:
«Դա պարզապես անհեռանկարային է, եթե այդ ատյանը գտնվում է ՀՀ-ում, եւ դրա լծակները գտնվում են գործադիր կամ օրենսդիր իշխանության ձեռքերում, բայց անպայման կխոսենք, կբարձրաձայնենք սրա մասին »,-ասաց Ալումյանը:
Օրինական որոշում կայացնելու համար դատավորը պետք է լսի երկու կողմերին, իսկ Արմեն Դանիելյանը պաշտպանական կողմին միջնորդություն ներկայացնելու պատեհ առիթ չընձեռեց՝ իրավունքի չարաշահում համարելով, ասաց պաշտպան Հայկ Ալումյանը:
«Հնարավոր չէ ինչ-որ զուգահեռներ անցկացնել, որ ասեն՝ տեսեք, այ այսպիսի գործով այսպիսի բան է եղել, եւ Եվրոպական դատարանը այդտեղ ճանաչել է մարդու իրավունքների այսպիսի խախտում: Փորձում ենք կոլեգաներիս հետ հիշել, իսկ Եվրոպական դատարանը քննել է մի այնպիսի գործ, որը կարող է սրա նման լինել, որը իր խախտումների ծավալով, բազմազանությամբ ու խախտումների կոպտությամբ նման լիներ այս գործին։ Ես չեմ կարողանում հիշել Եվրոպական դատարանի մի վճիռ, որտեղ այսպիսի բան նկարագրված լիներ»:
Քոչարյանի փաստաբաններից Ռուբեն Սահակյանն էլ եւս մեկ անգամ ընդգծեց, որ Սահմանադրության մեջ կա նորմ, որ ՀՀ նախագահը իր կարգավիճակից բխող գործողությունների համար անձեռնամխելի է:
«Կոպիտ կհնչի, բայց օրենքով ասված է՝ ինչ կանես, արա առանց վախենալու: Այն գործողությունները, որոնք բխում են քո կարգավիճակից, դու իրավունք ունես անելու՝ արտակարգ դրություն մտցնելու»,-նշեց պաշտպանը:
