Ե՞րբ Երևանի ավտոմաքսատունը կտեղափոխվի Գյումրի (տեսանյութ)
Աջակցիր «Ա1+»-ինԽորհրդարանական ընդդիմության պատգամավոր Մանե Թանդիլյանին հետաքրքրում է՝ Երևանի ավտոմաքսատունը ե՞րբ կտեղափոխվի Գյումրի, քանի որ երբ վարչապետը այցելել էր մաքսատուն, հանձնարարական էր տվել, որ այն տեղափոխվի Գյումրի:
Ի պատասխան պատգամավորի՝ Նիկոլ Փաշինյանը նկատեց՝ յուրաքանչյուր հանձնարարական կյանքի կոչելու համար հատուկ ընթացակարգ և ժամանակ է պահանջվում: Այնուամենայնիվ՝ հարցը լուծման ճանապարհին է, վարչապետի խոսքով՝ Գյումրիում տեղն արդեն ընտրված է:
«Այնտեղ ընդարձակ գործառույթներ ունեցող մաքսային կայան կկառուցվի, որը մենք կոչում ենք արտաքին տնտեսական գործունեության կենտրոն»-, հավելեց Նիկոլ Փաշինյանը:
Սա դեռ ամենը չէ, Նիկոլ Փաշինյանը տեղեկացրեց, որ նախատեսվում է այդպիսի կենտրոն ունենալ նաև Սիսիանում: Նիկոլ Փաշինյանի պատասխանը չգոհացրեց Մանե Թանդիլյանին, նա հստակ ժամկետներ ցանկացավ լսել: Վարչապետը հավելեց՝ հասկանում է պատգամավորի մտահոգությունը, բայց առաջարկեց այնպիսի միջավայր չստեղծել, որ Կառավարությունը վախենա գաղափարներ հնչեցնելուց և հանձնարարականներ տալուց:
Մանրամասները՝ տեսանյութում: