Նախարարությունը գումարը խնդիր չէր համարում. Արչի Գալենց (տեսանյութ)
Աջակցիր «Ա1+»-ինՀայաստանի մասնակիցները Վենետիկի Բիենալեին ներկայանում են առանց ֆինանսական աջակցության։
Այս տարի Մշակույթի նախարարությունը խոստացել էր աջակցություն տրամադրել Բիենալեին Հայաստանի ներկայացուցիչ Սուսաննա Գյուլամիրյանին և առաջարկել էր այս տարի վերցնել ավելի մեծ տաղավար։
«Ֆինանսավորումը ընդհանրապես պարզ չէր, բայց նախարարությունը տիկին Ղարիբյանի կողմից վստահեցնում էր, թե՝ մի մտածեք, դրամը խնդիր չի», -ասում է գեղանկարիչ Արչի Գալենցը, ով վերջին 6 տարիների ցուցադրություններին ներկա է եղել։
Նրա խոսքով՝ Հայաստանը միշտ կազմակերպչական աշխատանքներում համակարգված չէ, քանի որ ամեն ինչը արվում է վերջին պահին։
Նրա խոսքով՝ տաղավարները տեխնիկապես հագեցվում են միայն ցուցահանդեսից մի քանի օր առաջ, այնինչ այդ աշխատանքները պետք է կատարվեն ամիսներ առաջ։
Վենետիկի Բիենալեն կարևոր մշակութային միջոցառում է, որ 2 տարին մեկ տեղի է ունենում։
Այստեղ ամեն անգամ հանդես են գալիս 90-ից ավելի երկրներ, որոնց տաղավարներում ներկայացվում են ազգային դիմագծերն ու առանձնահատկություն։
Հայաստանը 1995 թվականից ի վեր մասնակցում է այս միջոցառմանը։
Միջոցառմանը բոլոր երկրները մի քանի ամիս շարունակ նախապատրաստական աշխատանքներ են տանում։