Ինչու են հայկական արտադրանքի գները բարձր՝ ըստ դիզայների (տեսանյութ)
Աջակցիր «Ա1+»-ինՀանրային անձանց՝ հայկական արտադրությանը ուշադրության արժանացնելը շատ կարևոր է և խթանում է տեղական արտադրության զարգացմանը, նշում է դիզայներ Վահան Խաչատրյանը: Դիզայները ողջունում է ՀՀ վարչապետի տիկին Աննա Հակոբյանի որդեգրած քաղաքականությունը՝ հագնել հայկական հագուստ։ Նա համոզված է, որ Աննա Հակոբյանի օրինակին պետք է հետևեն քաղաքական այլ գործիչներ:
«Վերջին շրջանում տեղական արտադրության ապրանքների բարձր քանակությունը շուկայում խոսում է այն մասին, որ պահանջարկը շատացել է, ինչը շատ ուրախալի է:
Այսկերպ շուկայից քիչ-քիչ դուրս կմղվեն արտերկրից բերվող նույն գինն ունեցող ապրանքները: Շատ ավելի հեշտ է տեղում արտադրել, քան բերել և ճանապարհածախսի կամ մաքսազերծման վրա գումար ծախսել»,- ասաց նա:
Դիզայները կարծում է, որ հայկական արտադրանքի բարձր գների պատճառն այն է,որ Հայաստանում հումք չի արտադրվում։
Սակայն վերջին շրջանում խոշոր արտադրողների առկայությունը շուկայում նպասել է, որպեսզի հայտնվի շատերի գրպանին հասանելի հագուստ:
Վահան Խաչատրյանը նաև նշեց, որ վերջին շրջանում արտերկրում հայկական արտադրանքի հանդեպ հետաքրքրություն է նկատվում:
«Վերջին 2 տարում հայկական հագուստները ներկայացվել են նաև Իտալիայում, և այս առումով հույս կա, որ մոտ ժամանակներում կկարողանանք ասել՝ Եվրոպայում ևս կրում են հայկական արտադրության հագուստ»,-ասաց նա։
«Նորաձևության դիզայնի պալատը», Եվրամիության հովանավորությամբ և ՀՀ Էկանոմիկայի նախարարության Զբոսաշրջության կոմիտեի աջակցությամբ, այս տարի հունիսի 25-ից 29-ը կազմակերպում է «Ֆեյլն ֆորում Երևան» հնգօրյա միջոցառումը։ Այն կմեկնարկի հայ դիզայներների ցուցադրությունների բացումով, որը տեղի կունենա «Որդան Կարմիր՛ թանգարանում:
Ցուցահանդեսում կներկայացվեն հայ դիզայներների հագուստներ, տարազի նմուշներ և ձեռագործներ: Հունիսի 26, 27-ին կրթական միջոցառումները կանկացվեն «Թումո» կենտրոնում, որտեղ արտերկրից ժամանած 12 փորձագետները դասընթացներ կանցկացնեն։ Դասընթացներին կարող են մասնակցել ինչպես սկսնակ, այնպես էլ ոլորտի հայտնի ստեղծագործողները: Միջոցառման հյուրերը կշրջեն Երևանում կայցելեն Տավուշի մարզ և կծանոթանան հայկական մշակույթին և պատմամշակութային արժեքներին:
«Նորաձևության և դիզայնի պալատ» ՀԿ-ի նախագահ Վահան Խաչատրյանը համոզված է, որ արտասահմանյան փորձագետների հետ հնգօրյա հանդիպումները կնպաստեն ոչ միայն ոլորտի մասնագետների կրթությանը և հետագա համագործակցմանը, այլև հայկական արվեստը արտասահմանյան ստեղծագործողների կողմից ճանաչմանը։
