A
A
Կոնստանտին Օրբելյանը դիմել է դատարան
Աջակցիր «Ա1+»-ինԱ. Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար Կոնստանտին Օրբելյանը դիմել է վարչական դատարան։ Նա պահանջում է անվավեր ճանաչել վարչապետ Նիկոլ Փաշինյանի «Մշակույթի նախարարի պարտականությունները ժամանակավորապես Նազենի Ղարիբյանի վրա դնելու մասին» թիվ 24-Ա որոշումը և Ն. Ղարիբյանի «Հարրի Կոնստանտին Օրբելյանի լիազորությունները դադարեցնելու մասին» մարտի 3-ի հրամանը։
Պատասխանող կողմերն են ՀՀ վարչապետ Նիկոլ Փաշինյանն ու մշակույթի նախարարությունը։ Գործով որպես երրորդ անձ ներգրաված է Ա. Սպենդիարյանի անվան օպերայի և բալետի ազգային ակադեմիական թատրոն ՊՈԱԿ -ը։ Գործը մայիսի 23-ին մակագրվել է վարչական դատարանի դատավոր Լիանա Հակոբյանին։