Մենք որևէ կառավարությանն ընդդիմություն չենք, մենք Սփյուռքում ենք գործում․ ՌԱԿ նախագահ (տեսանյութ)
Աջակցիր «Ա1+»-ինՄեր պատմության մեջ Սփյուռքի կուսակցությունը չի գործել հայրենիքում, որովհետև ընդդիմական վերաբերմունք որևէ կառավարության հանդեպ չենք ունեցել. «Ա1+»-ի հետ զրույցում ասաց Ռամկավար ազատական կուսակցության կենտրոնական վարչության նախագահ Սերխիո Նահապետյանը՝ հավելելով, որ միշտ գործել են ի շահ հայ ժողովրդի, Հայաստանի ապահովության, Հայ առաքելական եկեղեցու գործունեության։
Իսկ ռամկավարների օգնությունը հայկական կառավարությանը, ՌԱԿ նախագահի խոսքով, պետք է լինի տարբեր պետությունների հետ հարաբերություններ ստեղծելով ու խորացնելով։ «Ես չեմ ընդունում, որ 100 տարվա ավանդական կուսակցությունները 70-ից ավելի կուսակցությունների շարքին են դասվում»,- ընդգծեց նա՝ նշելով, սակայն, որ լավ հարաբերությունների մեջ են թե՛ ՍԴՀԿ-ի, թե՛ ՀՅԴ-ի հետ։
Իսկ որևէ կառավարության հաջողության գրանցումը, ըստ նրա, ժողովրդի կյանքը բարելավելով է երևում։ Իսկ Սփյուռքում գործող կուսակցությունը, ըստ Նահապետյանի, իրավունք չունի քննադատել կառավարությանը, սակայն կարող է հայտնել առկա մտահոգությունները։
Իսկ այն հարցին, թե ինչպես է վերաբերվում Նիկոլ Փաշինյանի՝ դատարանները շրջափակելու կոչին, նա պատասխանեց, որ ժողովրդավարությունից է բխում, որ պետք է կատարվի ժողովրդի մեծամասնության կամքը, և իր համար ընդունելի է ժողովրդի կամքը, թեկուզ դա հակասի սահմանադրականությանը։
Անդրադառնալով Արցախյան հակամարտության կարգավորմանը՝ Նահապետյանն ասաց, որ արցախյան հողերը հայկական են և Սփյուռքը մեծ դերակատարություն ունի այս խնդրի կարգավորման մեջ։ «Արցախի խնդրի հետ կապված մեր մտահոգությունն այն է, որ 140-150 հազար մարդ իրավունքներ չունեն։ Սփյուռքը պետք է աշխատի, որ Արցախը ճանաչվի»,- շեշտեց նա։
Արցախահայության իրավունքը պետք է պաշտպանվի, որովհետև, ըստ ՌԱԿ նախագահի, ժողովուրդն իր իրավունքը հաստատել քվեարկությամբ։
Մանրամասները տեսանյութում