Մենք պետք է իրականացնենք ժողովրդի կամքը. Մակունց (տեսանյութ)
Աջակցիր «Ա1+»-ինԿառավարությունում տեղի ունեցած խորհրդակցությունից հետո «Իմ Քայլ» խմբակցության ղեկավար Լիլիթ Մակունցը լրագրողների հետ զրույցի ընթացքում նշեց, որ հանրության մոտ դատական համակարգի հանդեպ առաջացած խորը անվստահությունը հիմք է տալիս մտածելու, որ շուտափույթ կերպով պետք է տեղի ունենա փոփոխություններ։
«Մեկ տարի է անցել և մեկ տարվա ընթացքում դատաիրավական համակարգի ներկայացուցիկչների կողմից որևէ խնդրի վերաբերյալ մեկնաբանություն չենք լսել և դատաիրավական համակարգը բարեփոխելու ուղղությամբ որևէ առաջարկ չի ներկայացրել։ Այս ամենը օրեցօր խորանում է և այն ինչ տեղի էր ունենում վերջին շրջանում վառ դրսևորումներից էր, որ մի կետից պետք է գնալ կտրուկ փոփոխությունների»,-ասաց նա։
Լիլիթ Մակունցի խոսքով ՝ սահմանադրական կարգը չի խախտվել և այս ամենը բխում էր հեղափոխության փոփոխությունների տրամաբանությունից։
Խմբակցության ղեկավարը նաև ավելացրեց,որ մայիսի 24-ին սկսվում է անցումային արդարադատության հետ կապված հանրային քննարկումներ, որտեղ հասարակական և քաղաքացիական սեկտորի ներկայացուցիչները ևս իրենց առաջարկները ներկայացնելու են աշխատանքային խմբին։