Կոնդի բնակիչները հանդիպեցին գլխավոր ճարտարապետին (տեսանյութ)
Աջակցիր «Ա1+»-ինՔաղաքապետարանի առաջ այսօր Կոնդի թաղամասին բնակիչները բողոքի ցույց էին իրականացնում քաղաքապետարանից պահանջելով նոր չափագրումներ իրականացնել: Բնակիչները պահանջում են ստեղծել հանձնաժողով, որտեղ ընդգրկված կլինեն նաև Կոնդի բնակիչները:
«Մենք պահանջում ենք, որ նախկին թերի չափագրումները նորից վերանայվեն և մեզ տան իրական չափերով վկայականներ: Քանի որ նախկինում միտումնավոր թերի չափագրում է իրականացվել հաշվի չառնելով պատերի հաստությունը, ընհանուր բակերը, հարկերի քանակը և այլ հանգամանքներ».- նշում է Կոնդի բնակիչ Նաիրա Երեմյանը:
Գլխավոր ճարտարապետ Արթուր Մեսչյանը ընդունեց բնակիչներին և վստահեցրեց, որ հաշվի կառնվեն բոլոր պահանջները և խնդիրները.
«Մենք չենք կարող սկսել ճարտարապետությունից, մենք պետք է սկսենք ճարտարապետության քաղաքականությունից: Հասկանանք Կոնդի հետ ինչ ենք անելու, ինչն ենք պահում, ինչն ենք քանդում»
Ճարտարապետը նաև ավելացրեց, որ չի խոստանում որ մեկ երկու օրում կարող է բոլոր այդ խնդիրների լուծումները գտնել, քանի որ Կոնդը իր տեսակով փոքր քաղաք է և եթե մեկ օրվա մեջ շուտափույթ լուծումներ տրվեն, խելամիտ չի լինի: