«Մանչեսթեր Յունայթեդի» երկրպագուները Պոլ Պոգբային ձրիակեր են անվանել
Աջակցիր «Ա1+»-ին«Մանչեսթեր Յունայթեդի» երկրպագուները թիմի գլխավոր մարզիչ Օլե Գունար Սոլսկյաերին կոչ են արել հրաժարվել ֆրանսիացի կիսապաշտպան Պոլ Պոգբայից:
Անգլիայի առաջնության վերջին խաղում «կարմիր սատանաները» սեփական դաշտում 0:2 հաշվով պարտվել են Պրեմիեր լիգայի անհաջողակներից մեկին՝ «Կարդիֆ Սիթիին»:
Դա էլ ավելի է զայրացրել երկրպագուներին, որոնք առաջին հերթին ամոթանք են տվել թիմի ավագ Պոլ Պոգբային, որը բոլորից շատ գոլ է խփել եւ արդյունավետ փոխանցում կատարել անցած մրցաշրջանում «սատանաների» կազմում:
Ֆրանսիացի ֆուտբոլիստը խաղից հետո փորձել է հանգստացնել երկրպագուներին, սակայն դա հակառակ արձագանք է տվել եւ առավել ագրեսիվ տրամադրված ֆուտբոլասերները սկսել են անպատվել նրան՝ անվանելով դավաճան եւ ձրիակեր:
Նշենք, որ առաջնության վերջին հինգ հանդիպումներում «Մանչեսթեր Յունայթեդը» վաստակել է ընդամենը 2 միավոր, որի արդյունքում թիմը 4-րդ տեղից նահանջել է 6-րդ հորիզոնական եւ դուրս մնացել չեմպիոնների լիգայից:
@paulpogba verbal altercation with fan at the end of the #MUFC game. pic.twitter.com/HyrluedlMA
— colcournioni (@colcournioni) May 12, 2019