A
A
Ամիսը մեկ անգամ Մատենադարանի մուտքը՝ անվճար
Աջակցիր «Ա1+»-ինՄատենդարանի հոգաբարձուների խորհրդի որոշմամբ յուրաքանչյուր ամսվա վերջին շաբաթ օրը (սկսած 2019 թվականի ապրիլի 27-ից) ՀՀ քաղաքացիների համար Մատենադարան մուտքը կլինի անվճար :
Որոշումը չի տարածվում օտարերկրյա քաղաքացիների վրա:
Ըստ Մատենադարանի մամլո ծառայութայն՝ յուրաքանչյուր ամսվա վերջին շաբաթ օրը ՀՀ քաղաքացիների համար անվճար է լինելու միայն մուտքը. այսինքն, միայն շրջայցը ցուցասրահներում:
Եթե ՀՀ քաղաքացիները շրջայցին զուգահեռ ցանկանան օգտվել զբոսավարի ծառայությունից, ապա պետք է գնեն բացատրության տոմս (այն սակագնով, ինչ ամսվա մնացյալ օրերին):
Հիշեցնենք, որ 2019թ. հունվարի 1-ից Մատենադարանում գործում է այս գնացուցակը.
- Ընդհանուր այցելությունների համար 1500 դրամ:
- Աշակերտների համար 200 դրամ:
- Ուսանողների համար (ուսանողական տոմսով) 300 դրամ:
- Բացատրություն հայերենով 3000 դրամ
- 1-10 այցելուների բացատրություն օտար լեզուներով (անգլերեն, ֆրանսերեն, գերմաներեն, ռուսերեն, իտալերեն, իսպաներեն) 3000 դրամ:
- 11 եվ ավելի այցելուների բացատրություն օտար լեզուներով (անգլերեն, ֆրանսերեն, գերմաներեն, ռուսերեն, իտալերեն, իսպաներեն) 5000 դրամ: