Ձնամարտի՝Եվրոպայի 27-րդ առաջնությունը կանցկացվի Հայաստանում
Աջակցիր «Ա1+»-ինՀայաստանի ձնամարտի ֆեդերացիան Եվրոպայում հաջողություն գրանցելուց հետո շարունակում է իր ակտիվ աշխատանքները։
Այն նպատակ ունի ընդլայնվել և նպաստել ձնամարտի՝ որպես կայուն սպորտաձևի զարգացմանը Հայաստանում։
Ապրիլի 5-ից 7-ը Ֆինլանդիայի Կեմիյարվի քաղաքում մասնակցելով Ձնամարտի՝ Եվրոպայի 24-րդ առաջնությանը, ֆեդերացիան մշակել է իր հաջորդ քայլը։
Ֆինլանդիայում ստորագրել են համագործակցության հուշագրեր Նորվեգիայի, ՖինլանդիայիևՌուսաստանի ձնամարտի ֆեդերացիաների հետ։
Այս պահին նախնական պայմանավորվածություն են ձեռք բերել առ այն, որ Ձնամարտի՝Եվրոպայի 27-րդ առաջնությունը կանցկացվի Հայաստանում։
« Ձնամարտը Հայաստանում կայուն հիմքերի վրա դնելու նպատակով մենք նախատեսում ենք հանրապետության կրթական հաստատություններում բացել ձնամարտի ակումբներ, որը հնարավորություն կտա ուսանողներին, աշակերտներին սովորել ճապոնական մարզաձևի ռազմավարությունը և մասնակցել ֆեդերացիայի՝ տեղական ու միջազգային առաջնություններին։ Ծրագիրը հաջողությամբ կյանքի կոչելու նպատակով Հայաստանի ձնամարտի ֆեդերացիան ստեղծում է թիմ, որը կիրականացնի կազմակերպչական աշխատանքներ, կնպաստի ֆեդերացիայի առաջխաղացմանը։ Մենք հայտարարում ենք կամավորների հավաքագրում։ Բոլոր հետաքրքրված թեկնածուները կարող են իրենց ինքնակենսագրականն ուղարկել [email protected] էեկտրոնային հասցեին»,- ասված է Հայաստանի ձնամարտի ֆեդերացիայի հաղորդագրության մեջ։
