«Իշխանությունները այսօր պետք է շատ ավելի բարձր մակարդակի լինեն, քան նախկինները»
Աջակցիր «Ա1+»-ին«Մեզ թվում էր, որ մենք առնվազն հրապարակային դաշտում հասել ենք ինչ -որ արդյունքների և բոլորս խոսում էինք իմիտացիոն բնույթի մասին, խորքային ժողովրդավարության մասին» ,-ասում է Մարդու իրավունքների նախկին պաշտպան Լարիսա Ալավերդյանը։
Նա անդրադառնում է մաքսատան աշխատակցին ուղղված վարչապետի «հորդորին», որով աշխատակիցը պետք է դիմում գրեր և հեռանար աշխատանքից։
Հասարակության մի հատվածը քննադատում էր այս «հորդորը», մյուսը՝ ողջունում: Ինք՝ Նիկոլ Փաշինյանը՝ հարցին, թե արդյո՞ք ճիշտ էր մաքսատան աշխատակցի հանրայնորեն նվաստացնելն ու աշխատանքից հեռացնելը, պատասխանել է, որ ամեն դեպքում չի կարծում սխալ է վարվել և եթե լավ մասնագետ է անպայման կգտնի աշխատանք:
Վարչապետի կարծիքով՝ այդ միջադեպից հետո մի շատ կարևոր հարց է լուծվել, այն է՝ հայաստանյան բոլոր հիմնարկներում, իր տեղեկություններով, սկսվել է դրոշի մաքրման և պատշաճ տեսքի բերելու գործընթացը:
Լարիսա Ալավերդյանն էլ ասում է.«Բախումնային սցենարները սխալ են, պետք է ամեն ինչ հստակ ասել, որ երևա՝ ասում ենք ոչ թե վիրավորելու համար, ոչ թե նսեմացնելու համար, այլ ասում ենք ուժեղացնելու համար: Իշխանությունները այսօր պետք է շատ ավելի բարձր մակարդակի լինեն, քան նախկինները, հակառակ դեպքում ինչի՞ համար են»:
