Ինչպես կարող է մարդը օկուպացնել այն տարածքը, որտեղ ինքը ծնվել է. Նիկոլ Փաշինյան (տեսանյութ)
Աջակցիր «Ա1+»-ինՀայաստանը Լեռնային Ղարաբաղի հակամարտության կարգավորման համար բանակցային ֆորմատի ո՛չ փոփոխություն է ակնկալում և, ոչ էլ պահանջում է: Հայաստանը ցանկանում է վերականգնել բանակցային ֆորմատը, այս մասի ԵԽԽՎ-ում հայտարարեց Նիկոլ Փաշինյանը:
«Մենք բացարձակապես բանակցային ֆորմատի փոփոխության հարց չենք դնում: Մենք դնում ենք բանակցային ֆորմատի նույն ձևաչափում քննարկումը շարունակելու: Սա մեզ համար նախապայման և քմահաճույք չէ»,- ընդգծեց Նիկոլ Փաշինյանը:
Լեռնային Ղարաբաղի հակամարտության կարգավորման հարցը չի կարող լուծվել առանց Լեռնային Ղարաբաղի ներկայացուցչի:
«Շատ հաճախ օգտագործվում է օկուպացիա բառը: Այն մարդիկ, որոնք այսօր ապրում են Ղարաբաղում, այդ մարդիկ ծնվել, ապրել են Ղարաբաղում, նրանց պապերն են ապրել Ղարաբաղում: Ինչպես կարող է մարդը օկուպացնել այն տարածքը, որտեղ ինքը ծնվել է, որտեղ իր երեխան է ծնվել, և որտեղ ծնվել, ապրել և հուղարկավորված են իր նախկինները»:
Նիկոլ Փաշինյանը հավելեց՝ Հայաստանի առաջարկը բանակցային սեղանի շուրջ նստելն է՝ կոնֆլիկտի բոլոր կողմերով:
«Համաձայնել, որ մենք խոսում ենք ոչ թե հարցի չկարգավորման, այլ հարցի կարգավորման մասին: Համաձայնել, որ մեր օրակարգը, ոչ թե իրար ոչնչացնելու օրակարգ է, այլ հարցերը կարգավորելու օրակարգ է, այնպես, ինչպես հարիր է 21-րդ դարի մարդկանց»: