Բացել լրահոսը Փակել լրահոսը
A A

Արոնյանն ու Հակոբյանը մի փոքր զիջեցին դիրքերը

Սպորտ

Ջերմուկում ընթացող ՖԻԴԵ-ի Գրան-պրիի մրցաշարում այսօր կայացան 5-րդ տուրի պարտիաները:

Ցավոք, մեր երկու գրոսմայստերներն էլ անհաջողության մատնվեցին եւ մի փոքր զիջեցին դիրքերը: Լեւոն Արոնյանը, որը 4 տուրից հետո հունգարացի Պետեր Լեկոյի հետ գլխավորում էր մրցաշարային աղյուսակը, սեւ խաղաքարերով պարտվեց ուզբեկ շախմատիստ Ռուստամ Կասիմջանովին:

Վլադիմիր Հակոբյանն նույնպես սեւերով տանուլ տվեց Իսրայելի ներկայացուցից Բորիս Գելֆանդին: Իսկ ահա Լեկոն խաղաղ դաշն կնքեց ռուսաստանցի Եվգենի Ալեքսեեւի հետ եւ առաջ անցավ Արոնյանից: Նրան հավասարվելու հնարավորություն ունեին ուկրաինացի Վասիլի Իվանչուկն ու բուլղարացի Իվան Չեպարինովը, որոնք այս տուրում մրցեցին հենց իրար հետ: Սեւ խաղաքարերով հանդես եկող Իվանչուկը հաղթանակ տարավ եւ վաստակած միավորներով հավասարվեց Լեկոյին:

Վաղը մրցաշարի մասնակիցները կհանգստանան, իսկ հաջորդ օրը տեղի կունենան 6-րդ տուրի պարտիաները: Արոնյանը սպիտակներով ուժերը կչափի Գելֆանդի, իսկ Հակոբյանը` ուկրաինացի Պավել Էլյանովի հետ:

 

5-րդ տուր

Եվգենի Ալեկսեեւ - Պետեր Լեկո` 0,5-0,5

Իվան Չեպարինով - Վասիլի Իվանչուկ` 0-1

Գատա Կամսկի - Էռնեստո Ինակիեւ` 1-0

Ռուստամ Կասիմջանով - Լեւոն Արոնյան` 1-0

Բորիս Գելֆանդ - Վլադիմիր Հակոբյան` 1-0

Պավել Էլյանով - Դմիտրի Յակովենկո` 0,5-0,5

Սերգեյ Կարյակին - Էտիեն Բաքրո` 1-0

 

Մրցաշարային աղյուսակ (5-րդ տուրից հետո)

1-2. Պետեր Լեկո (Հունգարիա)` 3,5

Վասիլի Իվանչուկ (Ուկրաինա)` 3,5

3-5. Լեւոն Արոնյան (Հայաստան)` 3

Բորիս Գելֆանդ (Իսրայել)` 3

Ռուստամ Կասիմջանով (Ուզբեկստան)` 3

6-9. Իվան Չեպարինով (Բուլղարիա)` 2,5

Պավել Էլյանով (Ուկրաինա)` 2,5

Դմիտրի Յակովենկո (Ռուսաստան)` 2,5

Սերգեյ Կարյակին (Ուկրաինա)` 2,5

10-13. Եվգենի Ալեկսեեւ (Ռուսաստան)` 2

Վլադիմիր Հակոբյան (Հայաստան)` 2

Էտիեն Բաքրո (Ֆրանսիա)` 2

Գատա Կամսկի (ԱՄՆ)` 2

14. Էռնեստո Ինակիեւ (Ռուսաստան)` 1