A
A
Ավիավթարը խլեց նաև մարզիկների կյանքը
Աջակցիր «Ա1+»-ինԹեհրան-Երեւան ավիավթարը մեծ հարված հասցրեց իրանական մարզաշխարհին, մասնավորապես' ձյուդոյին:
Ինչպես տեղեկացրեց ՀՀ սպորտի եւ երիտասարդության հարցերի նախարարության մամուլի քարտուղար Յուրա Ալեքսանյանը, այսօրվ Թեհրան-Երեւան չվերթով պատրաստվում էր Երեւան ժամանել ձյուդոի Իրանի պատանեկան հավաքականը, որը պետք է հնգօրյա ուսումնամարզական հավաք անցկացներ մեր մայրաքաղաքում:
Իրանի հավաքականը կազմված էր 3 մարզիչներից ու 9 մարզիկներից (1993-94 թթ ծնվածներ): Պատանի ձյուդոիստները պատրաստվում էին օգոստոսին Հունգարիայում կայանալիք աշխարհի պատանեկան առաջնությանը: Մեր հյուրերը պետք է հանգրվանեին Հայաստանի հավաքական թիմերի հանրապետական կենտրոնում եւ համատեղ ուսումնամարզական հավաք անցկացնեին ձյուդոյի Հայաստանի պատանեկան եւ երիտասարդական հավաքականների հետ:
