A
A
Մրցանակակիր չունեցանք
Աջակցիր «Ա1+»-ինԹբիլիսում ավարտվեց Մայա Չիբուրդանիձեի անվան գավաթի խաղարկությունը, որին մասնակցում էին շախմատի Հայաստանի կանանց հավաքականի անդամները: Հայ շախմատիստուհիներից ամենահաջողը հանդես եկավ Լիլիթ Գալոյանը, որը 6.5 միավորով հանգրվանեց 7-րդ հորիզոնականում:
Մրցաշարի հաղթող դարձավ Բելա Խոտենաշվիլին, որը վաստակեց 7 միավոր: Նույնքան միավոր էր վաստակել նաեւ Լելա Յավախիշվիլին, որը հանգրվանեց 2-րդ հորիզոնականում, իսկ Աննա Մուժչուկը 6.5 միավորով եզրափակեց լավագույն եռյակը:
Հայաստանի հավաքականի առաջատար խաղացող Լիլիթ Մկրտչյանը իր հնարավորություններից ցածր հանդես եկավ եւ 5.5 միավորով զբաղեցրեց 12-րդ հորիզոնականը: Հավաքականի մեկ այլ անդամ Սիրանուշ Անդրեասյանը 5 միավորով հանգրվանեց 19-րդ տեղում:
Մրցաշարին մասնակցեցին 57 շախմատիստներ:
