Բացել լրահոսը Փակել լրահոսը
A A

Օրացույց. Հունիսի 11

Սպորտ

Այսօր ծնվել են

 1969-Սերգեյ Յուրան (ռուս ֆուտբոլիստ, մարզիչ)

Ազգությամբ ուկրաինացի հարձակվողը կարիերան սկսել է Լուգանսկի «Զարյայում»: Պատանեկան տարիքում Յուրանը ծանր վնասվածք ստացավ եւ մոտ էր ֆուտբոլը թողնելուն, սակայն բժիշկների միջամտությունից հետո Սերգեյը կարողացավ վերադառնալ շարք եւ դարձավ բավական ճանաչված ֆուտբոլիստ: ԽՍՀՄ-ի փլուզումից հետո հեռացավ Կիեւի «Դինամոյից» եւ կարիերան շարունակեց պորտուգալական «Բենֆիկայում»:

1992 թվականին ընդունեց Ռուսաստանի քաղաքացիություն եւ սկսեց հանդես գալ Ռուսաստանի հավաքականում, որի կազմում անցկացրեց 25 խաղ եւ խփեց 5 գնդակ: Յուրանը հայտնի է նաեւ իր սկանդալային բնավորությամբ, ինչը թույլ չտվեց այս ֆուտբոլիստին հասնել ավելի մեծ հաջողությունների: Վերջին տարիներին աշխատում է որպես մարզիչ: Ներկայումս գլխավորում է Աստանայի «Լոկոմոտիվը»:

1973-Խոսե Մանուել Աբունդիս (մեքսիկացի ֆուտբոլիստ)

1990-ականներին Աբունդիսը Մեքսիկայում ճանաչված ֆուտբոլիստներից մեկն էր, իսկ այժմ մոտ է կարիերան ավարտելուն: Հանդես է եկել մի շարք մեքսիկական թիմերում, սակայն առավել հայտնի է «Տոլուկայում» ունեցած ելույթներով: Մեքսիկայի հավաքականում անցկացրել է 45 խաղ եւ խփել 9 գնդակ:

 1981-Էմիլիանո Մորետի (իտալացի ֆուտբոլիստ)

Իտալացի ֆուտբոլիստը 2004 թվականից հանդես է գալիս իսպանական «Վալենսիայում», իսկ նախքան այդ ելույթ է ունեցել մի շարք իտալական թիմերում այդ թվում «Յուվենթուսում» եւ «Ֆիորենտինայում»: Իտալիայի օլիմպիական հավաքականի կազմում դարձել է 2004 թ. Աթենքի օլիմպիական խաղերի բրոնզե մեդալակիր:

1982-Ջոյ Գրահամ (ամերիկացի բասկետբոլիստ)

 2005 թվականից Ջոյը ելույթ է ունենում «Տորոնտոյում»: Հանդիսանում է հեղիանակավոր ակումբի առանցքային խաղացողներից մեկը:

1982-Սթիվ Գրահամ (ամերիկացի բասկետբոլիստ)

 Ջոյի երկվորյակ եղբայրը' Սթիվը, եւս հայտնի բասկետբոլիստ է ԱՄՆ-ում, իսկ ներկայումս հանդես  է գալիս «Ինդիանայում»: Ի տարբերություն եղբոր Սթիվը ավելի համեստ դեր է խաղում իր թիմում:

1984-Վագներ Լավ (բրազիլացի ֆուտբոլիստ)

Բրազիլացի հարձակվողը վերջին տարիներին ելույթ է ունենում Մոսկվայի ԲԿՄԱ-ում, որի կազմում դարձել է Ռուսաստանի կրկնակի չեմպիոն, ՈՒԵՖԱ-ի գավաթակիր: Բրազիլիայի հավաքականի կազմում անցկացրել է 20 խաղ եւ խփել 4 գնդակ: