A
A
Ձմեռային մարզաձևերում անմրցունակ ենք Եվրոպայում
Բոսնիա եւ Հերցեգովինայի Սարաեւո քաղաքում ընթացող Եվրոպայի պատանեկան օլիմպիական ձմեռային փառատոնում Հայաստանի պատվիրակներն առայժմ ոչնչով աչքի չեն ընկնում: Լեռնադահուկորդներ Մայիս Եղիազարյանը եւ Ժիրայր Առաքելյանը հսկա ոլորավայրէջքի մրցումներում չեն կարողացել հաղթահարել մրցուղին եւ դուրս են մնացել: Նրանք այսօր ուժերը փորձելու են ոլորավայրէջքում: Տղաների դահուկավազքում հանդես եկող Աղասի Սաքանյանը 10 կմ մրցավազքում զբաղեցրել է 86-րդ, իսկ 7,5 կմ-ում՝ 87-րդ տեղը: Աղջիկների մրցումներում Աննա Ռաշոյանը 69-րդ արդյունքն է ցույց տվել 7 կմ մրցատարածությունում, 71-րդ՝ 5 կմ դահուկավազքում: Նրանք այսօր հանդես կգան արագավազքում: Գեղասահորդուհի Մարինա Ասոյանը պարտադիր ծրագրից հետո զբաղեցնում է 26-րդ տեղը: Այսօր կկայանան ազատ ծրագրի մրցումները:
