A
A
Հենրիխ Մխիթարյանը բաց կթողնի «Մանչեսթեր Յունայթեդի» հետ խաղը
Լոնդոնի «Արսենալի» կիսապաշտպան Հենրիխ Մխիթարյանը դարձյալ բաց կթողնի թիմի առաջիկա հանդիպումը:
Լոնդոնյան ակումբի գլխավոր մարզիչ Ունայ Էմերին այդ մասին հայտնել է Անգլիայի գավաթի խաղարկության 1/16 եզրափակիչ փուլի «Մանչեսթեր Յունայթեդի» հետ հանդիպման նախախաղային մամուլի ասուլիսում: Իսպանացի մասնագետը նշել է, որ վնասվածքից հետո Հենրիխ Մխիթարյանը դեռեւս լավ մարզավիճակ ձեռք չի բերել:
Հիշեցնենք, որ մեր ֆուտբոլիստը հունվարի 10-ից վերսկսել է մարզումները: Նա վնասվածք էր ստացել անցած տարվա դեկտեմբերի 19-ին, «Տոտենհեմի» գավաթային խաղում:
Անգլիայի գավաթի խաղարկության 1/16 եզրափակիչ փուլի «Արսենալ» - «Մանչեսթեր Յունայթեդ» հանդիպումը կկայանան հունվարի 25-ին:
