Բացել լրահոսը Փակել լրահոսը
A A

«Քաղաքացիներին կոչ եմ անում հանգիստ լինել և չմատնվել խուճապի».Արսեն Թորոսյան

Հասարակություն
Arsen-Torosyan

Առողջապահության նախարարի պաշտոնակատար Արսեն Թորոսյանը ֆեյսբուքում գրել է.
 
«Ամանորի տոնական օրերին առողջապահության նախարարության կողմից սահմանվել է օրական հսկողություն ինչպես ստացիոնար, այնպես էլ պոլիկլինիկական կազմակերպություններ գրիպով և սուր շնչառական վարակներով հիվանդների դիմելիության նկատմամբ։ Ըստ օրական մոնիթորինգի տվյալների՝ հունվարի 4-ի դրությամբ պոլիկլինիկական կազմակերպություններ սուր շնչառական վարակներին բնորոշ գանգատներով դիմել է 494 հիվանդ, որոնց 95%-ը երեխաներ են։
 
Ինչ վերաբերում է ստացիոնարներում հոսպիտալացված հիվանդներին, ապա սուր շնչառական վարակներով հոսպիտալացված է 487 և թոքաբորբով 168 հիվանդ։ Բոլոր հիվանդներին ունեն առողջացման դրական շարժընթաց, և նրանցից 97%-ը երեխաներ են։
 
Հունվարի 4-ին գրիպի նկատմամբ իրականացված 25 նմուշի լաբորատոր հետազոտությունների արդյունքում միայն 10-ում հաստատվել է գրիպ։ Ներկայումս դիտվող իրավիճակն ու շնչառական վարակների աշխուժացումը համահունչ է գրիպի և սուր շնչառական վարակների սեզոնին»։
 
Ինչ վերաբերում մի կայքի տարածած տեղեկատվությանը՝ իբր հազարավոր մարդիկ սուր շնչառական հիվանդություններով դիմել են պոլիկլինկաներ և դրա պատճառով դասերը կերկարացվեն՝ պաշտոնապես նա հայտարարում է, որ կեղծ է և չի համապատասխանում իրականությանը։
 
«Ավելին՝ կառավարությունը գտնվում է արձակուրդում և դեռևս նիստ չի հրավիրվել, հետևաբար ես չէի կարող նման հայտարարություն անել։ «Քաղաքացիներին կոչ եմ անում հանգիստ լինել և չմատնվել խուճապի»
 
Առողջապահության նախարարության կողմից իրավիճակը սուր շնչառական վարակների ու գրիպի առումով վերահսկելի է։
 
Խնդիրների առաջացման դեպքում նախարարությունը հանդես կգա լրացուցիչ հայտարարությամբ։
 
Հ.Գ. վստահեք միայն ճշտված լուրերին»,–գրել է նա։