Հայաստանի պատանի վոլեյբոլիստները պարտվեցին ռուսներին
Երեւանի Հայ-Սլավոնական համալսարանի մարզադահլիճում մեկնարկած Արեւելաեվրոպական երկրների վոլեյբոլի Մ15 տարեկան տղաների առաջնությունում Հայաստանի հավաքականն առայժմ անհաջող է հանդես գալիս:
Ինչպես հայտնում է Հայաստանի վոլեյբոլի ֆեդերացիայի մամուլի ծառայությունը, մեր թիմն միեւնույն 0.3 հաշվով պարտվել է Լատվիային ու Ռուսաստանին: Նույն, Ա խմբում հանդես եկող Բելառուսի ընտրանին, հաղթել է Լիտվային ու Լատվիային: Վաղը մեր վոլեյբոլիստները կհանդիպեն հենց բելառուսցիների հետ:
Նշենք, որ առաջնությանը մասնակցում են ինը երկրներ: Ա խմբում ընդգրկվել են Հայաստանի, Ռուսաստանի, Բելառուսի, Լատվիայի եւ Լիտվայի հավաքականները: Բ խումբը ձեւավորել են Ուկրաինայի, Էստոնիայի, Վրաստանի եւ Լեհաստանի թիմերը:
Խմբերում առաջին տեղերը գրաված հավաքականները կվիճարկեն չեմպիոնի կոչումը, իսկ մնացած տեղերում գրաված թիմերը կպայքարեն համապատասխանաբար 3-րդ, 5-րդ եւ 7-րդ տեղերի համար: Ժամանակից շուտ պայքարից դուրս կմնա միայն Ա խմբում 5-րդ տեղը գրաված հավաքականը:
Դեկտեմբերի 15-ից ամեն օր կանցկացվի 4-ական հանդիպում, ժամը 10-ին, 12-ին, 15-ին եւ 17-ին:
