ֆուտբոլի Հայաստանի առաջնությունում ավարտվեց 3-րդ խաղաշրջանը

Աջակցիր «Ա1+»-ին

Այսօր տեղի ունեցան ֆուտբոլի Հայաստանի բարձրագույն խմբի առաջնության 18-րդ տուրը: Մրցաշարի առաջատար «Ալաշկերտը» Վանաձորում ոչ-ոքի խաղաց «Լոռի ՖԱ»-ի հետ՝ 1:1, ընդ որում առաջինը գոլ խփել էին դաշտի տերերը: Ալաշկերտցիները վաստակեցին 33 միավոր եւ էլ ավելի առաջ պոկվեցին իրենց հետապնդողներից, քանի որ 2-րդ տեղում գտնվող «Փյունիկն» այս տուրում ազատ էր խաղերից, իսկ երրորդ հորիզոնականում գտնվող «Բանանցը» սեփական դաշտում 0:3 հաշվով պարտվեց «Արարատ-Արմենիային»: Կարեւոր հաղթանակ տարան նաեւ առաջատար հնգյակին հետապնդող «Շիրակն» ու «Գանձասր-Կապանը»: Գյումրեցիները հյուրընկալվելիս 1:0 հաշվով առավելության հասան «Արցախ ՖԱ»-ի նկատմամբ, իսկ կապանյան ակումբն արտագնա խաղում 2:0 հաշվով վստահ հաղթեց առաջնության ընդգծված հետնապահ «Արարատին»: Այդպիսով, ավարտվեց առաջնության երկրորդ խաղաշրջանը: Մրցաշարային աղյուսակն այժմ այսպիսի տեսք ունի:

1. «Ալաշկերտ» 16 33
2. «Փյունիկ» 16 27
3. «Բանանց» 16 26
4. «Լոռի ՖԱ» 16 25
5. «Արարատ-Արեմնիա» 16 23
6. «Շիրակ» 16 22
7. «Գանձասար-Կապան» 16 19
8. «Արցախ ՖԱ» 16 12
9. «Արարատ» 16 10

Առաջնության երրորդ խաղաշրջանը կմեկնարկի այս տարի: 19-րդ տուրի խաղերը կկայանան դեկտեմբերի 1-ին եւ 2-ին, որից հետո մրցաշարում կհայտարարվի ձմեռային ընդմիջում: