A
A
«Լոռիի» աֆրիկացի լեգիոնականները ջախջախեցին «Գանձասար-Կապանին»
Ֆուտբոլի Հայաստանի բարձրագույն խմբի առաջնությունում կայացավ 8-րդ տուրի երկրորդ հանդիպումը: Մրցաշարի միանձնյա առաջատար Վանաձորի «Լոռի ՖԱ» թիմը սեփական դաշտում 3:0 հաշվով պարզապես ջախջախեց հանրապետության գավաթակիր Կապանի «Գանձասար-Կապանին»: Տանտերերի կազմում աչքի ընկան աֆրիկացի լեգիոնականները՝ Ստեֆան Ադջումանին, Սանդի Ինուսան եւ Իսահ Ալիյուն: Այս հաղթանակից հետո Արմեն Ադամյանի ղեկավարած թիմը վաստակեց 16 միավոր եւ ամրապնդվեց առաջին հորիզոնականում: «Գանձասար-Կապանը» երկրորդ անընդմեջ պարտությունը կրեց եւ վաստակած 3 միավորով շարունակում է եզրափակել մրցաշարային աղյուսակը: Տուրի մյուս երկու հանդիպումները կկայանան վաղը, սեպտեմբերի 16-ին: «Արարատը» սեփական դաշտում կընդունի «Փյունիկին», իսկ «Բանանցը»՝ «Ալաշկերտին»:
