A
A
Լեւոն Արոնյանը 16000 եվրո է վաստակել Ստավանգերի մրցաշարում
Նորվեգիայի Ստավանգեր քաղաքում ավարտվեց Altibox Norway Chess սուպերմրցաշարը: Այսօր կայացած վերջին տուրում հայկական շախմատի առաջատար Լեւոն Արոնյանը սպիտակներով ոչ-ոքի խաղաց ամերիկացի Հիկարու Նակամուրայի հետ: Մեր շախմատիստը 8 հնարավորից վաստակեց 4 միավոր եւ Ուեսլի Սոյի հետ բաժանեց 5-6-րդ տեղերը: Լեւոն Արոնյանը այդ արդյունքի համար կստանա 16 հազար եվրո պարգեւավճար: Մրցաշարի հաղթող դարձավ ԱՄՆ-ի ներկայացուցիչ Ֆաբիանո Կարուանան, որը այս տուրում հաղթեց իր հայրենակից Ուեսլի Սոյին եւ վաստակեց 5 միավոր: Նա ընդամենը կես բալով առաջ անցավ աշխարհի չեմպիոն Մագնուս Կառլսենից, Հիկարու Նակամուրայից եւ հնդիկ գրոսմայստեր Վիշվանաթան Անանդից: Ֆաբիանո Կարուանան կպարգեւատրվի 75 հազար եվրոյով:
