«Բոլորը պետք է փոխվեն». քաղաքացիները՝ կառավարության անդամների մասին (տեսանյութ)
Ոստիկանապետ Վլադիմիր Գասպարյանին եւ Ազգային անվտանգության ծառայության պետ Գեորգի Կուտոյանին նորընտիր վարչապետ Նիկոլ Փաշինյանը չի ցանկանում տեսնել իր ղեկավարած կառավարությունում: Նա դիմել է Նախագահին նրանց պաշտոնանկ անելու առաջարկով։ Քաղաքացիներից շատերի համար կառավարության անդամների պաշտոնազրկումները կարևոր են Հայաստանի հետագա զարգացման համար։ «Նախկին նախարարներից ոչ մի լավ բան չենք տեսել»,- ասում է քաղաքացիներից մեկը, իսկ մյուսն էլ ավելացնում է. «Բոլորը պետք է փոխվեն»: Թավշյա հեղափոխությունից հետո քաղաքացիները պատրաստվում են հետեւել վարչապետի բոլոր քայլերին: Ով էլ ընդգրկվի կառավարության նոր կազմում, պետք է արդար եւ ազնիվ աշխատի։ Սա մեր հարցման մասնակիցների պահանջն է: Դեռեւս հայտնի չեն, թե ովքեր կլինեն Նիկոլ Փաշինյանի կառավարության կազմում։Առայժմ միայն անուններ են շրջանառվում, բայց որեւէ մեկը չի կարող հաստատել թեկնածուների այդ ցանկը։ Մանրամասները՝ տեսանյութում:
