Էլինա Դանիելյանը հավասարվել է առաջատարներին
Սլովակիայում ընթացող շախմատի կանանց Եվրոպայի անհատական առաջնությունում այսօր կայացան 6-րդ տուրի պարտիաները: Վերելքով հանդես եկող Էլինա Դանիելյանը այս անգամ սպիտակներով առավելության հասավ գերմանացի Ֆիլիզ Օսմանոջայի նկատմամբ եւ տարավ 4-րդ հաղթանակն առաջնությունում: Մեր շախմատիստուհին վաստակել է 5 միավոր եւ եւս չորս մասնակիցների հետ կիսում է 1-5-րդ տեղերը: Վաղը կայանալիք 7-րդ տուրում Էլինա Դանիելյանը սպիտակներով կհանդիպի նրանից մեկի՝ Նանա Ձագնիձեի հետ: Այս տուրում հաղթական տոնեց նաեւ մեր մյուս առաջատար շախմատիստուհի Լիլիթ Մկրտչյանը, որը սեւերով պարտության մատնեց իր հայրենակից Աննա Սարգսյանին: Նա այժմ 3,5 միավորով զբաղեցնում է 60-րդ տեղը: Իսկ ահա Հայաստանի գործող չեմպիոն Մարիա Կուրսովան սպիտակներով պարտվեց ռուսաստանցի Բաիրա Կովանովային ու մնաց նույն 3 միավորով:
