«Արսենալն» արդեն կողմնորոշվել է Վենգերի փոխարինման հարցում
Լոնդոնի «Արսենալի» ղեկավարութունը կազմել է գլխավոր մարզչի թեկնածուների ցուցակ: Ինչպես տեղեկացնում է The Telegraph-ը, թիմի գլխավոր մարզիչ Արսեն Վենգերն ընթացիկ մրցաշրջանի ավարտից հետո հավանաբար կազատվի իր պաշտոնից: Թեկնածուների ցուցակում հիմնականում ընդգրկվել են երեք մասնագետներ: Նրանցից մեկը «Արսենալի» նախկին ֆուտբոլիստ Միկել Արտետան է, որն այժմ «Մանչեսթեր Սիթիի» գլխավոր մարզիչ Խոսեպ Գվարդիոլայի օգնականն է: Լոնդոնյան ակումբի ղեկավարությունը, բացի այդ, գլխավոր մարզչի պաշտոնում մտադիր է հրավիրել նաեւ «Մոնակոյի» ներկայիս մրզիչ Լեոնարդու Ժարդիմին կամ շոտլանդական «Սելթիկի» մարզիչ Բրենդան Ռոջերսին: Թեկնածուների շարքում է նաեւ Դոնեցկի «Շախտյորի» գլխավոր մարզիչ Պաուլու Ֆոնսեկան: Հիշեցնենք, որ ներկայումս «Արսենալում»է հանդես գալիս Հայաստանի հավաքականի ավագ Հենրիխ Մխիթարյանը:
