«Գվարդիոլան ամենապահանջկոտ մարզիչն է իմ կարիերայում». Ագուերո
«Մանչեսթեր Սիթիի» հարձակվող Սերխիո Ագուերոն Անգլիայի լիգայի գավաթի նվաճումից հետո գովեստի խոսքեր է ուղղել թիմի գլխավոր մարզիչ Խոսեպ Գվարդիոլայի հասցեին: «Գվարդիոլան աշխարհի լավագույն պրոֆեսիոնալներից է: Նա գլխավորել է «Մանչեսթեր Սիթին», որպեսզի տիտղոսներ նվաճի եւ մեզ օգնի խաղալ այնպես, ինչպես ինքն է ուզում: Գվարդիոլան իմ իմացած մարզիչներից ամենապահանջկոտն է: Ես գոհ եմ, որ հանդես եմ գալիս Անգլիայում, այս թիմում: Քանի դեռ գործող պայմանագիր ունեմ ակումբի հետ, ես կմնամ այստեղ», - արգենտինացի ֆուտբոլիստի խոսքերը մեջբերել է Cope-ն: Հիշեցնենք, որ «Մանչեսթեր Սիթին» Անգլիայի լիգայի գավաթի խաղարկության եզրափակիչում 3:0 հաշվով ջախջախել էր Լոնդոնի «Արսենալին» եւ 5-րդ անգամ տիրել մրցանակին: Այդ ցուցանիշով մանչեսթերյան ակումբը զիջում է միայն «Լիվերպուլին», որը 8 անգամ է դարձել լիգայի գավաթակիր:
