Արսեն Վենգերը մեկնաբանել է իր թիմի պարտությունը (տեսանյութ)
Լոնդոնի «Արսենալի» գլխավոր մարզիչ Արսեն Վենգերն այսպես է մեկնաբանել Անգլիայի գավաթի խաղարկության եզրափակիչում «Մանչեսթեր Սիթի»-ից կրած 0:3 հաշվով խոշոր պարտությունը: «Խաղի ժամանակ մեր թույլ տված գլխավոր սխալը առաջին գնդակը բաց թողնելն էր: Սկզբում ամեն ինչ վերահսկման տակ էր, սակայն ընդմիջումից հետո հաղթելու հավանականությունը հակառակորդի ձեռքերում էր: Պետք է քաջությամբ ընդունել քննադատությունները, երբ պարտվում ես: Հասանք եզրափակիչ, սակայն պարտվեցինք, իսկ հիմա պետք է հնարավորինս շուտ վերականգնենք մեր ուժերը՝ հաջորդ խաղին լավ ներկայանալու համար: Երբ 0:3 հաշվով պարտվում ես, հասկանում ես, որ էլ ավելի լավ է պետք պաշտպանվել, բայց ես այն կարծիքին եմ, որ խաղի ընթացքում մենք մեզ լավ ենք դրսեւորել: Մի բան պարզ է՝ կորցրինք վերահսկումը, ինչն էլ ուժեղ հակառակորդը չներեց: Նրանց հաղթանակում որոշիչ դեր խաղաց երկրորդ գոլը, որը, իմ կարծիքով, գրանցվեց խաղից դուրս վիճակում», - ասել է ֆրանսիացի մարզիչը:
