«Հայաստան – Ադրբեջան ֆուտբոլային խաղը շատ խնդիրներ կստեղծի». ադրբեջանցի չինովնիկ
Ադրբեջանի ֆուտբոլի ֆեդերացիայի գլխավոր քարտուղար Էլհան Մամեդովը խոսելով Ազգերի լիգայում Հայաստանի հավաքականի հետ հանդիպելու հնարավորության մասին, ասել է, որ այդ խաղը շատ խնդրահարույց կարող է դառնալ: «Ազգերի լիգայի փլեյ-օֆֆում կարող է մենք հանդիպենք նրանց հետ: ՈՒԵՖԱ-յից մեզ այդ առթիվ հայտնել են, որ եթե երկու երկրների միջեւ խաղ տեղի ունենա, ապա իրենք են որոշելու, թե որտեղ եւ ինչպես են անցկացնելու այն: Սակայն այդ հանդիպման շուրջ շատ մեծ թվով խնդիրներ կստեղծվեն, քանի որ առաջ կգան նաեւ բազմաթիվ տեխնիկական հարցեր», - ասել է ադրբեջանական ֆուտբոլի ղեկավարը: Հիշեցնենք, որ ֆուտբոլի Ազգերի լիգան մեկնարկելու է այս տարվա սեպտեմբերին եւ ավարտվելու է նոյեմբերին: Ընտրական խմբերում հաղթող թիմերը մտնելուն են փլեյ-օֆֆ, որտեղ խաղարկելու են Եվրո-2020-ի եզրափակիչ մրցաշարի ուղեգրեր: Հայաստանի եւ Ադրբեջանի հավաքականները ընդգրկված են D դիվիզիոնի տարբեր խմբերում: Հաջող հանդես գալու դեպքում երկու երկրների ընտրանիները կարող են մրցակից դառնալ փլեյ-օֆֆի եզրափակիչում:
