A
A
«Սասնա ծռեր»-ի գործը մակագրվեց Մեսրոպ Մակյանին
«Սասնա ծռեր»-ի գործով անջատված մասը մակագրվել է դատավոր Մեսրոպ Մակյանին: Այս մասին տեղեկանում ենք Դատական տեղեկատվական համակարգից: Մեսրոպ Մակյանը քննելու է Արայիկ Խանդոյանի, Պավել Մանուկյանի Վարուժան Ավետիսյանի, Գագիկ Եղիազարյանի, Մխիթար Ավետիսյանի, Արեգ Կյուրեղյանի Արմեն Բիլյանի, Սմբատ Բարսեղյանի, Սեդրակ Նազարյանի, Էդվարդ Գրիգորյանի մասով գործը: Դատական նիստի օր դեռ չի նշանակվել: Հիշեցնենք, որ Մեսրոպ Մակյանը Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանից 6 ամսյա ժամկետով գործուղվել է Էրեբունի եւ Նուբարաշեն վարչական շրջանների ընդհանուր իրավասության դատարան:
