A
A
Բռնությունը բռնություն է ծնում. ԵԱՀԿ Մինսկի խմբի հայտարարությունը
5 Հուլիս 2017 - ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա) և Ռիչարդ Հոգլանդը (ԱՄՆ) տեղեկություն են ստացել սույն թվականի հուլիսի 4-ին Ֆիզուլիի շրջանի Ալխանլու գյուղում նոր բռնության դեպքերի մասին, որը բերել է զոհերի՝ նաև խաղաղ բնակչության շրջանում:
ԵԱՀԿ Մինսկի խմբի համանախագահները կողմերին կոչ են անում անհապաղ դադարեցնել ռազմական գործողությունները:
«Բռնությունը ծնում է բռնություն, ուրիշ ոչինչ: Միակ ընդունելի և մարդկային ուղին այս երկարատև հակամարտությունը լուծելու համար վերադառնալն է բանակցությունների սեղան»,- ասված է հայտարարության մեջ:
ԵԱՀԿ Մինսկի խմբի համանախագահները իրենց ցավակցությունն են հայտնում զոհերի հարազատներին:
