Պատերազմի նախապատրաստությո՞ւն (տեսանյութ)
Բանակցային գործընթացը հնարավոր չէ շարունակել լարված իրավիճակում. համոզված է ՀՀՇ վարչության անդամ Հովհաննես Իգիթյանը: Նրա խոսքով՝ հնարավոր չէ սեղանին նստել եւ բանակցել, երբ երեխաներ են զոհվում, արյուն է թափվում, մարդիկ վախենում են դուրս գալ դաշտ, նույնիսկ խաղաղ բնակչության մեջ են լինում կորուստներ: Իսկ պատերազմ հասկացությունը, ըստ Հովհաննես Իգիթյանի, շատ քիչ պետք է օգտագործենք: «Պատերազմ նշանակում է երկու երկրների ռազմական միավորների միջեւ բախումներ: Ադրբեջանի իրականացրածը բնորոշ է ագրեսորին: Տեռորիստին բնորոշ գործողություններ են, այլ ոչ թե պատերազմին: Երկու կամ երեք կողմերի ռազմական գործողությունների բախում ուղղակի ձեւով այստեղ չի երեւում»,- ավելացնում է Հովհաննես Իգիթյանը: Ըստ նրա՝ Ադրբեջանն արդեն դուրս է եկել միայնակ գործողություններ կատարելու քաղաքականությունից եւ ակտիվ համագործակցում է Թուրքիայի հետ: Իսկ մյուս երկրները, որոնք վաճառում են բարդ զենքեր նրան, իրենց մասնագետների աջակցությամբ նպաստում, որ այդ զենքերը ճիշտ կիրառվեն: Ինչ վերաբերում է Ադրբեջանի կողմից իրականացվող զորավարժություններին, ըստ Հովհաննես Իգիթյանի, դրանք պատերազմի նախապատրաստություն են: Ավելին՝ տեսանյութով