Տարոն Մարգարյանն այսօր չզգաց խոստացված դժոխքի շունչը (տեսանյութ)
Երեւանի քաղաքապետ Տարոն Մարգարյանը ոչ մեղադրում, ոչ էլ ընդունում է «Երկիր Ծիրանի» կուսակցության պահվածքը: Այն, որ խմբակցության անդամներն այսօր չեն գտել իրենց աշխատասենյակը, հենց իրենց մեղքն է համարում. «Երեւանի քաղաքապետարանի աշխատակազմը վերջին 10 օրվա մեջ անընդհատ հրավիրել է բոլորին, ասել ենք՝ եկեք կազմակերպչական խնդիրներ կան, լուծենք: Թող բարի լինեին, գային , մենք պատրաստ էինք օգնելու, աջակցելու ու խորհուրդներ տալու: Ինքը պետք է հարգեր ավագանու ինստիտուտը եւ ներկա լիներ, ես պատրաստ եմ բոլորի հետ խոսելու ու հանդիպելու»: Զգո՞ւմ է արդյոք քաղաքապետը Զարուհի Փոստանջյանի խոստացված դժոխքի շունչը. «Ես տիկին Փոստանջյանին չտեսա, որ զգամ»: «Ա1+»-ի հարցին, թե ինչու Գայանե Սողոմոնյանը ազատվեց աշխատանքից, Տարոն Մարգարյանը պատասխանեց. «Իրեն հարցրեք, իր դիմումի համաձայն է դուրս եկել աշխատանքից, բացատրել է, որ ինստիտուտում դաս է տալիս, ժամանակ չունի»: Քաղաքապետը նաեւ անդրադարձավ Ֆիրդուսի շուկայի աշխատակիցների մասին հարցին: Մանրամասնները ՝ տեսանյութում
