Հնդիկները կգան Հայաստան (տեսանյութ)
«Հնդկական շուկան եվ սպառողը տեղյակ չէ այն ապրանքատեսակներին, որոնք արտադրվում են Հայաստանում ու կարող են իրենց հետաքրքրել» ,- կարծում է Հնդկաստանում Հայաստանի դեսպան Արմեն Մարտիրոսյանը:
Նյու Դելիի Ջավահարլալ Ներուի անվան համալսարանում սեմինար-քննարկման ժամանակ դեսպանը խոսեց առկա որոշ խնդիրներից:
Ըստ նրա, դեռեւս չի հաջողվել օգտագործել Հնդկաստանի հսկա տնտեսական ներուժը երկկորղմ տնտեսական հարաբերությունների պարագայում: Հարցը հանգամանորեն քննարկվել է թե' հայ-հնդկական միջկառավարական նիստի ընթացում, թե' Արդյունաբերական պալատի անդամների, թե' հայ գործարարների հետ.
Դեսպանը խնդիրներից մեկն էլ համարեց Հայաստանի` Հնդկաստանից բավականին հեռու լինելու հանգամանքը:
«Ակնկալում ենք, որ գործարկվող Հյուսիս-հարավ միջազգային տրանսպորտային միջանցքը կարող է օգտակար լինել, թեեւ օրինակ, Հայաստանից գինիների ու կոնյակների արտահանման պարագայում մեկ այլ խնդիր էլ է ծագում: Բանն այն է, որ դեպի Հնդկաստան ամենակարճ ճանապարհը անցնում է Իրանի տարածքով, որը արգելում է ալկոհոլային խմիչքների տեղափոխումը, իսկ մյուս ուղիներն էլ բավականին թանկ են ստացվում: Փորձում ենք գտնել նոր ուղիներ: Դա դժվար է, բայց չի նշանակում, որ պետք է հանձնվենք ու դրանով չզբաղվենք»,-ասաց պրն. Մարտիրոսյանը:
Հայ-հնդկական կրթական ոլորոտի առումով էլ նա տեղեկացրեց, որ հնդիկ գործընկերների եւ Հայաստանի տնտեսական մի քանի ԲՈՒՀ-երի հետ փորձում են խթանել հնդկական տեղեկատվական տեխնոլոգիաների ինդուստրիան Հայաստանում.
«Հնդիկները համոզվել են, որ տեխնիկական որոշ ԲՈՒՀ-եր ունեն ներուժ: Երկու համալսարան արդեն համապատասխան համաձայնագիր է կնքել հնդկական կողմի հետ: Նրանց պահանջները լուրջ են, նրանք հետաքրքրված չեն ձեվական փաստաթղթերի ստորագրմամբ, այլ հետապնդում են կոնկրետ նպատակներ: Համագործակցության մեծ հնարավորություն եմ տեսնեւմ եվ ակնկալում եմ, որ մեր տեխնիկական ԲՈՒՀ-երը հետեւողական կլինեն»:
Արմեն Մարտիրոսյանի խոսքով, խոչընդոտներ կան նաեւ հայկական կողմում: Հայ ուսանողները, օրինակ, հրաժարվում են Մադրասում երկարաժամկետ կրթաթոշակով սովորելու առաջարկից` Հնդկաստանի կլիմայի պատճառով:
Սեմինար-քննարկումը կազմակերպվել էր Հնդկաստանում գործող «Հայաստանի մշակութային կենտրոն» եւվ «Հայ-հնդկական բարեկամություն» ՀԿ-ների կողմից ու Հայաստանի դեսպանության աջակցությամբ:
«Ակտիվորեն ներկայացնում ենք հայկական մշակույթը, պատմությունը: Բանախոսությամբ հանդես ենք եկել Դելիի Ինդիրա Գանդիի անվան տուն-թանգարանում, մասնակցել միջազգային «Food festival»-ին: Նկատեմ, որ վերջինի ժամանակ հայկական սեղանը իր գաթայով, պասուց դոլմայով ու ղափամայով գրավեց բոլորի, այդ թվում հնդկական ԶԼՄ-ների ուշադրությունը»,- նշեց «Հայաստանի մշակութային կենտրոն» ՀԿ ղեկավար Գայանե Մովսիսյանը:
«Հայ-հնդկական բարեկամություն» ՀԿ-ղեկավար Ռանանջայ Անանդն էլ խոսեց Հայաստանում կազմակերպվող ցուցահանդեսների ու մրցաշարերի մասին, արեւելագետ Նաիրա Մկրտչյաննն էլ` Հնդկաստանի պատմության մեջ հետք թողած եւ դեր ունեցած հայերի :
Սեմինարին մասնակիցում էին Հնդկաստանի Արտաքին գործերի նախարարության ներկայացուցիչները, Հայաստանում տարբեր ժամանակներոմ դիվանագիտական առաքելություններ իրականացարած նախկին դեսպաններ Բալ Անանդը, Վ.Բ Սոնին, Աչալ Կ. Մալհոտրան: Նրանք եվս կիսեցին Հայաստանի` հնդիկներին անծանոթ լինելու մտահոգությունը:
«Այսուհետ ավելի լուրջ կմոտենանք այս խնդրին եվ մեր ուսանողների առաջ խնդիր կդնենք գիտական ուսումնասիրություններ կատարել այս ոլորտում»,-հավատացրեց ՋՆՀ-ի Ռուսաստանի եւ Կենտրոնական Ասիայի հետազոտությունների կենտրոնի ներկայացուցիչ Ամիտաբհ Սինգհը:
«Հայաստանում Հնդկաստանի նկատմամբ մեծ հիացմունք ու սեր կա: Հնդկաստանը մեծ բնակչություն ունի ու բոլորին ծանոթացնելը դժվար է: Հնդիկները ունեն շատ փող սիրում են ճամփորդել: Նրանց սկսել են հետաքրքրել այս տարածաշրջանի երկրները: Կարծում եմ, այս առումով Հայաստանը կարող նրանց հաջորդ կանգառը դառնալ »,-եզրափակեց ՀՀ -ում նախկին դեսպան Վ.Բ. Սոնին :
Գայանե Հակոբյան
Նյու Դելի, Հնդկաստան
