A
A
Հայերն ու հնդիկները հարգել են ապրիլյան պատերազմի զոհերի հիշատակը
Հնդկահայ համայնքի մի խումբ անդամներ հավաքվել էին Նյու Դելիում Հայաստանի դեսպանության մոտ: Նրանք եկել էին հարգելու ապրիլյան քառօրյա պատերազմի զոհերի հիշատակը:
Նրանց էին միացել են նաեւ մի խումբ հնդիկներ: Իմանալով քառօրյա պատերազմի եւ նաեւ հակամարտության պատմությունը, նրանք որոշել էին հայերի հետ հիշել զոհված տղաներին:
«Այսօր այստեղ հավաքվելով ցանկանում ենք սատարել այն ծնողներին ու ընտանիքներին, որոնց զավակները հերոսացան` պաշտպանելով Արցախի սահմանները»,-«Ա1+» հետ զրույցում ասաց Սաիդ Շիբլին, ում կինը հայ է:
Հնդկահայ համայնքի անդամները կազմակերպեցին մոմավառություն ու ծաղիկներ դրեցին հերոսների նկարների առջեւ :
Գայանե Հակոբյան
Նյու Դելի
