Տեսեք, թե ինչպես է ձեզ հետ «աշխատում» Ամերիկան. Վլադիմիր Սոլովյով (տեսանյութ)
«Ռուսաստանը ավանդաբար չի կարողացել օգտագործել «փափուկ» ուժ։ Մինչդեռ, Ամերիկան միշտ էլ իր ուժը գեղեցիկ փաթեթավորել է։ Տեսեք, թե ինչպես է ձեզ հետ «աշխատում» Ամերիկան։ Ինչպես են փորձում ձեզ կտրել Ռուսաստանից։ Եվ նայեք այն երկրներին, որոնց արդեն կարողացել են անջատել Ռուսաստանից։ Դա ձեզ դուր է գալի՞ս»:
«Ռոսիա սեգոդնյա» տեղեկատվական գործակալության գլխավոր տնօրեն Դմիտրի Կիսելյովը և լրագրող Վլադիմիր Սոլովյովը Երևան են եկել մասնակցելու «Գրիբոյեդովի ակումբ»-ի հերթական ժողովին։ «Ակումբի երեկոյան միջոցառումը, որի հատուկ հյուրն է Սոլովյովը, փակ է լրագրողների համար»,- ասաց Կիսելյովը, «քանի որ կյանքում ամեն ինչ չի, որ պարտադիր պետք է անցնի մեր՝ լրագրողներիս ներկայությամբ»։
«Պետք չի ամեն հարցում Ռուսաստանին մեղադրել»,- ասաց Սոլովյովը։ «Օրինակ, տեսեք թե ով է Ռուսաստանում Ադրբեջանի դեսպանը։ Իսկ ձեզանից շատերը գիտե՞ն արդյոք ձեր դեսպանի անունը և ինչու չլսվեց նրա ձայնը ապրիլյան դեպքերի ժամանակ։»
«Մենք երբեք թույլ չենք տա, որ Լեռնային Ղարաբաղի հարցը լուծվի արյունահեղության ճանապարհով»,-ասաց Սոլովյովը՝ «Երբեք»։
Հարցին, թե ինչ կարծիք ունեն Հայաստանում անցնող ընտրությունների վերաբերյալ, Սոլովյովը պատասխանեց, որ սա իրենց իրավասությունից դուրս խնդիր է։ Սա երկրի ներքին խնդիրն է։
