A
A
Արարատ Խանդոյանը մեկ օր մնացել է պատուհանները կոտրած պատժախցում
«Սասնա ծռեր» խմբի անդամ Արայիկ Խանդոյանի եղբայրը՝ Արարատ Խանդոյանը, մեկ օր մնացել է պատուհանները կոտրած պատժախցում: «ՄԻՊ ներկայացուցիչների այցելությունից հետո նրան տեղափոխել են իր խուց»,- այս մասին «Ա1+»-ին հայտնեց Արարատ Խանդոյանի պաշտպան Արա Ղարագյոզյանը: Պաշտպանն այսօր տեսակցել է նրան, ինչպես նաեւ դիմում է ներկայացրել «Նուբարաշեն» ՔԿՀ պետին: Արա Ղարագյոզյանը պարզաբանում է պահանջում Սերոբ Հարությունյանից՝ ի՞նչ հիմքով են բուժման մեջ գտնվող Արարատ Խանդոյանին տեղափոխել այդպիսի պատժախուց: Առողջական բազմաթիվ խնդիրներ ունեցող Արարատ Խանդոյանը մեղադրվում է հուլիսի 20-ին Խորենացի փողոցում իշխանության ներկայացուցչի նկատմամբ բռնություն գործադրելու մեջ: Նա չի ընդունում իրեն առաջադրված մեղադրանքը:
