A
A
Սեւիլիայում իսպանացի ֆաները հարձակվել են իտալացիների վրա (տեսանյութ)
ՈՒԵՖԱ-ի չեմպիոնների լիգայի խմբային փուլի 5-րդ տուրի «Սեւիլիա» - «Յուվենթուս» խաղից առաջ մասսայական ընդհարում է տեղի ունեցել երկու թիմերի երկրպագուների միջեւ:
Ինչպես տեղեկացնում է իսպանական AS օրաթերթը, երեկ գիշերը «Սեւիլիայի» 30 արմատական ֆաներ հարձակվել են «Էլ Պապելոն» բարում գտնվող «Յուվենթուսի» երկրպագուների վրա, որից հետո նրանց միջեւ մասսայական ծեծկռտուք է սկսվել ինչպես բարի ներսում, այնպես էլ դրա հարակից փողոցներում:
Ըստ նախնական տվյալների, երեք ֆաներ տարբեր կարգի մարմնական վնասվածքներով տեղափոխվել են հիվանդանոց, որոնցից մեկը դանակահարված: Նրանց կյանքին այժմ վտանգ չի սպառնում:
Հավելենք, որ երկու թիմերը պայքարում են 1-ին տեղի համար, որի պատճառով մեծ լարվածություն է ստեղծվել երկու թիմերի ֆաների միջեւ:
