«Սուր պահերին Սերժ Սարգսյանը դիմում է Սուրիկ Խաչատրյանին» (տեսանյութ)
Համակարգային փոփոխության ցանկություն չկա. այսօր ԱԺ ճեպազրույցների ժամանակ հայտարարեց «Ժառանգություն» խմբակցության անդամ Զարուհի Փոստանջյանը. «Նախարարությունների անվանումների փոփոխությունները չեն ազդելու մեր կյանքի որակի վրա։ Սերժ Սարգսյանը մանիպուլացնում է հանրությանը, թյուրիմացության մեջ է գցում, թե արատավոր անձանցից ազատվում է, բայց համակարգային փոփոխություն չի ցանկանում իրականացնել»։ Ընտրական օրենսգրքում պահպանում է իշխանության մենաշնորհը՝ նշում է Զ. Փոստանջյանը. «Քաղաքական մենաշնորհը միանշանակ պետք է վերանա։ ՀՀ ցանկացած քաղաքացի պետք է կարողանա իրականացնել իր ընտրական իրավունքը՝ որտեղ էլ որ գտնվի։ Մինչդեռ, միլիոնից ավելի մարդ, որ դրսում է գտնվում, չի կարողանում իրացնել իր ընտրական իրավունքը»։ Անդրադառնալով Սյունիքի մարզպետ Սուրիկ Խաչատրյանի պաշտոնանկությանը՝ Զարուհի Փոստանջյանը նշեց. «Սուրիկ Խաչատրյանն առաջին անգամ չէ, որ պաշտոնանկ է եղել։ Սուր պահերին, օրինակ, հանրաքվեն, նա (Սերժ Սարգսյանը-խմբ.) դիմեց այդ գործիքին։ Այսինքն՝ զգաց Սուրիկ Խաչատրյանի կարիքը»։
