ՎԱՀԵ ԹԱԴԵՎՈՍՅԱՆԸ ՀԱՆԴԵՍ ԿԳԱ ՇՎԵՅՑԱՐԻԱՅՈՒՄ
Աջակցիր «Ա1+»-ինԵրեւանի «Բանանց» ակումբի 23-ամյա հարձակվող Վահե Թադեւոսյանը 2 տարվա պայմանագիր է կնքել շվեյցարական «Արաու» ակումբի հետ եւ այսուհետեւ հանդես կգա Շվեյցարիայի բարձրագույն խմբում հանդես եկող այս թիմի կազմում:
«Բանանց» ակումբի մամուլի քարտուղարությունում «Ա1+»-ին տեղեկացրեցին, որ ֆուտբոլիստը «Արարու» է տեղափոխվել առանց փոխհատուցման:
Ի դեպ, Թադեւոսյանը պայմանագիր է կնքել առանց փորձաշրջան անցնելու: «Արաուի» ղեկավարները Թադեւոսյանի մասին կարծիք են կազմել միայն տեսագրությունների միջոցով, որից հետո միանգամից հայ ֆուտբոլիստին առաջարկել են հանդես գալ իրենց մոտ:
Վահե Թադեւոսյանը հատկապես հաջող էր հանդես եկել հուլիսին կայացած ՈւԵՖԱ-ի գավաթի խաղարկության առաջին փուլում` «Բանանցի» կազմում 2 գնդակ խփելով վրացական «Ամերիի» դարպասին:
Տեղեկացնենք նաեւ, որ Թադեւոսյանը ժամանակին հանդես էր գալիս նաեւ Հայաստանի երիտասարդական հավաքականում: