Ցմահներին տեղափոխում են. նրանք դեմ են
«Նուբարաշեն» ՔԿՀ-ում գտնվող ցմահ ազատազրկման դատապարտվածներին տեղափոխում են «Արմավիր» ՔԿՀ: Ըստ մեր աղբյուրների՝ ցմահների մեծ մասը դեմ է տեղափոխմանը, քանի որ նոր կառուցված «Արմավիր» ՔԿՀ-ում իրենց պահման պայմաններն ավելի վատ են, քան «Նուբարաշեն»-ում: Խոսքը մասնավորապես վերաբերում է սենյակների մակերեսին: Մեր զրուցակիցները նշում են, որ ինչպես «Նուբարաշեն»-ում, այնպես էլ նոր կալանավայրում մեկ սենյակում ապրելու է 4 դատապարտյալ, սակայն սենյակի մակերեսն ավելի փոքր է: Ցմահների դժգոհությունները, սակայն, արդյունք չեն տվել: Ցանկացած պահի նրանց կարող են տեղափոխել: Արդարադատության նախարարության քրեակատարողական վարչության հանրային կապերի բաժնից «Ա1+»-ին հայտնեցին, որ 10 ցմահ դատապարտյալ արդեն տեղափոխվել է, եւ գործընթացը շարունակական է: Հայաստանում 98 ցմահ դատապարտյալ կա:
