A
A
Oդապարիկը երկինք չի բարձրանա. երթ Երեւանում (տեսանյութ)
Եռագույն օդապարիկը, որը նախատեսվում էր երկինք բարձրացնել այսօր Ազատության հրապարակում պետական խորհրդանիշներին նվիրված միջոցառման ժամանակ, երկինք չի բարձրանա: Այս մասին «Ա1+»-ին տեղեկացրեց «Մենք » հիմնադրամի ղեկավար Պավել Սարգսյանը:
Ըստ նրա՝ կա ռիսկ, որ եղանակային պայմանների պատճառով այն կարող է վնասվել եւ մասնագետները այսպիսի որոշում են կայացրել: Քիչ անց Ազատության հրապարակում նախատեսվում է բացել 125 մետրանոց ՀՀ եռագույնը, որից հետո երթ կմեկնարկի Երեւանի փոքր կենտրոնի փողոցներով :
Երթն ուղեկցվելու է Հայկական բարեգործական ընդհանուր միության փողային նվագախմբի հնչյունների ներքո: Մասնակիցները վերադառնալու են Ազատության հրապարակ, որտեղ նախատեսված է տոնական միջոցառում: Մասնակիցների թիվը արդեն մոտ 400 է:
